Ашиглалтын заавар

Суулгах алхмууд

1. Доорх холбоосуудын аль нэгээр аппаа суулгана — эсвэл веб хувилбарыг хөтчөөрөө шууд нээнэ.
2. Аппаа нээгээд Зочлох товчийг дарна. Нэвтрэх, бүртгүүлэх шат байхгүй — шууд ашиглаж эхэлнэ.
3. Байршил болон мэдэгдлийн зөвшөөрөл асуувал зөвшөөрөхийг зөвлөж байна: газруудын зай, чиглүүлэлт, арга хэмжээний сануулга эдгээрээс хамаарна.

• 🔔 хонх — ирсэн мэдэгдлүүд; ☰ цэс — хэл, харагдах байдал, арга хэмжээний календарь зэрэг (11-р хэсэг).
• Дээд карусель — удахгүй болох арга хэмжээ, онцлох мэдээний баннерууд ээлжлэн гүйнэ; дарахад холбогдох арга хэмжээ, газар, маршрут эсвэл арга хэмжээний жагсаалт нээгдэнэ.
• «Арга хэмжээний календарь» мөр — карусель доор байнга харагдах 📅 мөр. Доор нь дараагийн арга хэмжээний нэр, огноо (жишээ нь «Дараагийн: Наадам · 07.11») бичигдэнэ; удахгүй болох арга хэмжээ байхгүй үед «Удахгүй болох арга хэмжээ алга — календарь үзэх» гэж гарна. Дарахад бүх арга хэмжээний жагсаалт, календарь нээгдэнэ (6-р хэсэг).
• Байршил, цаг агаар — байршлаа зөвшөөрсөн үед таны байгаа газар, цаг агаарын мэдээ харагдана.
• «Хайх» мөр — газар, үйлчилгээ хайх (7-р хэсэг).
• «Үйлчилгээ» — ШТС, АТМ, эмнэлэг, эмийн сан, амралтын газар гэх мэт ангиллын товчнууд; дарахад тухайн ангиллын газруудын жагсаалт нээгдэнэ.
• «Санал болгох аяллын маршрут» — өдрийн тоо, нийт км, газрын тоотой картууд (5-р хэсэг).
• «Онцлох газрууд» — зайн тэмдэглэгээтэй сонгомол газрууд. Картууд хажуу тийшээ цуварсан тул хуруугаараа зүүн тийш гүйлгэж дараагийнхыг үзнэ.

Зураг дээр ажиллах

1. Дээд хэсгийн ангиллын товчнуудаас сонгож газруудыг шүүнэ; Бүгд дарж шүүлтийг арилгана.
2. Баруун талын товчнуудаар сансрын зураг руу сэлгэх, өөрийн байршил руу очих боломжтой.
3. Аль ч тэмдэглэгээн дээр дарахад доороос газрын товч танилцуулга гарч ирнэ — Дэлгэрэнгүй эсвэл Чиглүүлэх сонгоно.

Чиглүүлэлт (навигаци)

1. Газрын танилцуулга дээрх Чиглүүлэх товчийг дарна.
2. Таны байршлаас тухайн газар хүртэлх зам зураг дээр зурагдаж, зай, хугацааны баримжаа харагдана.
3. Хөдөлж эхлэхэд зураг таныг автоматаар дагана (дагах горим). Зургийг гараар хөдөлгөвөл дагах нь түр зогсох ба баруун талын 🧭 сум товчоор дахин асаана.
4. Дуусгахдаа дээд хэсгийн Цуцлах товчийг дарна.

Зургийн цомог — бүтэн дэлгэцээр харах

1. Дээд талын зургийг хуруугаараа зүүн, баруун тийш гүйлгэж газрын бүх зургийг үзнэ. Зураг дээрх цэгүүд (зураг олон бол «2/12» гэх мэт дугаар) хэдэн зураг байгаа, аль нь харагдаж байгааг заана.
2. Зураг дээр дарахад бүтэн дэлгэцээр нээгдэнэ. Хоёр хуруугаараа тэлж томруулна (4 дахин хүртэл), гүйлгэж дараагийн зураг руу шилжинэ — «3/7» гэх мэт дугаар аль зураг дээр байгааг заана.
3. Хаахдаа ✕ товчийг дарна.

«Мэдээлэл» таб

• Ажиллах цаг — «24 цаг нээлттэй» эсвэл нээх, хаах цаг. Газрын нэрийн доорх тэмдэг яг одоо «Нээлттэй» / «Хаалттай» эсэхийг заана; ажиллах цаг оруулаагүй газарт саарал «Цаг тодорхойгүй» гэж гарна.
• Үнэ — төлбөртэй газарт үнийн мэдээлэл эсвэл үнийн хязгаар («50,000–60,000₮» г.м.), үнэгүй газарт «Төлбөргүй», үнийн мэдээлэл оруулаагүй бол «Мэдээлэл ороогүй» гэж харагдана.
• Байршил — газар аль суманд байгаа нь («Хутаг-Өндөр сум, Булган аймаг»), доор нь жижгээр координат. Мөрөн дээр дарахад 3 сонголт гарна:
  • «Апп дотор чиглүүлэх» — газрын зураг таб дээр зам зурж чиглүүлнэ (3-р хэсэг).
  • «Google Maps-аар нээх» — утсан дээрх Google Maps-д байршлыг нээнэ.
  • «Координат хуулах» — координатыг хуулж, мессеж зэрэгт буулгаж илгээх боломжтой.
• Холбоо барих — утасны дугаар бүр тусдаа мөрөнд 📞 тэмдэгтэй харагдах ба дугаар дээр дарахад шууд залгана. Имэйл, веб хуудас, Facebook, Instagram холбоос байвал мөн энд жагсана. Мэдээлэл оруулаагүй бол «Холбоо барих мэдээлэл ороогүй» гэж гарна.

«Залгах» товч

1. Утасны дугаартай газрын доод талд Залгах товч гарна.
2. Газар нэг дугаартай бол товчийг дармагц тэр дугаар руу шууд залгана.
3. Хэд хэдэн дугаартай бол «Залгах дугаараа сонгоно уу» цонх нээгдэж бүх дугаар жагсана — хүссэн дугаараа дарж залгана.

Үнэлгээ өгч, сэтгэгдэл үлдээх

1. Сэтгэгдэл таб руу орно.
2. «Энэ газрыг үнэлэх үү?» хэсэгт 1–5 одоор үнэлнэ. Дахин дарж үнэлгээгээ өөрчилж болно.
3. «Сэтгэгдэл бичих...» талбарт сэтгэгдлээ бичээд, хүсвэл нэрээ оруулаад Илгээх товчийг дарна. Нэр оруулаагүй бол «Зочин» нэрээр харагдана.

1. Нүүр хуудасны «Санал болгох аяллын маршрут» хэсгээс нэгийг сонгоно — эсвэл гарчгийн хажуугийн → сумаар «Аяллын маршрут» бүтэн жагсаалтыг нээнэ.
2. Жагсаалтын «Хугацаа» товчнуудаар аяллын үргэлжлэх хугацаагаар шүүнэ: Бүгд / 1 өдөр / 2–3 өдөр / 4+ өдөр.
3. Маршрут бүр өдрийн тоо, нийт км, газрын тоог харуулна. «1-р өдөр», «2-р өдөр» гэж өдөр тус бүрийн зогсоолууд дараалалтай жагсах ба зогсоол хоорондын зай харагдана.
4. Зогсоол дээр дарж тухайн газрын дэлгэрэнгүйг нээнэ.
5. Том газрын зураг дарвал бүх зогсоол, замын шугам зураг дээр бүтнээрээ харагдана.

Арга хэмжээний хуудсыг нээх

1. Нүүр хуудасны дээд карусель доорх 📅 «Арга хэмжээний календарь» мөрийг дарна. Мөрөн дээр дараагийн арга хэмжээний нэр, огноо харагдана.
2. Эсвэл Нүүр хуудасны баруун дээд буланд буй ☰ цэсийг нээгээд «Арга хэмжээний календарь» мөрийг дарна.
3. Карусель дээрх арга хэмжээн дээр дарвал тухайн арга хэмжээний дэлгэрэнгүй шууд нээгдэнэ.

Жагсаалт ба календарь

1. Дээд хэсгийн Жагсаалт / Календарь сэлгүүрээр харагдацаа сонгоно.
2. Календарь горимд сумаар сар солино. Арга хэмжээтэй өдрийн доор ногоон цэг(үүд) харагдах ба өдөр дээр дарахад тухайн өдрийн арга хэмжээнүүд доор жагсана.
3. Харж буй сард арга хэмжээ байхгүй ч дараа нь болох арга хэмжээ байвал «Дараагийн арга хэмжээ: 2027.02.07 →» гэх мэт товч гарна — дарахад тэр сар руу шууд шилжинэ.

Дэлгэрэнгүй ба «Болох газар»

• Эхлэх, дуусах цаг, тайлбар, хөтөлбөр харагдана.
• «Болох газар» — арга хэмжээ тодорхой газарт болох бол газрын нэр дээр дарж тэр газрын дэлгэрэнгүйг нээнэ, Чиглүүлэх дарвал газрын зураг таб дээр зам зурна.
• Зөвхөн байршлын цэг оруулсан бол Google Maps-аар нээх товчоор байршлыг нээнэ. Байршил оруулаагүй арга хэмжээнд «Байршил оруулаагүй» гэж бичигдэнэ.

🔔 Сануулга тохируулах

1. Арга хэмжээний дэлгэрэнгүйн доод хэсэгт, Хадгалах товчны хажууд буй 🔔 Сануулга товчийг дарна. Эхэлсэн, өнгөрсөн арга хэмжээнд энэ товч харагдахгүй.
2. «Сануулга тохируулах» цонхонд хэзээ сануулахаа сонгоно: «1 өдрийн өмнө», «3 цагийн өмнө», «1 цагийн өмнө» — нэгийг ч, хэдийг ч зэрэг сонгож болно.
3. Хадгалах дарна. Мэдэгдлийн зөвшөөрөл асуувал зөвшөөрнө. Амжилттай бол «Сануулга тохирууллаа» гэж гарч, баталгаажуулах мэдэгдэл утсанд тань хэдхэн секундэд ирнэ. 🔔 товч будагдсан (дүүрэн) болж сануулга идэвхтэйг илтгэнэ.
4. Сонголтоо өөрчлөх бол 🔔 товчийг дахин дарж засаад Хадгалах; болиулах бол Сануулга цуцлах дарна.

Хайх

1. Нүүр хуудасны Хайх мөр дээр дарна — «Газар, үйлчилгээ хайх...» талбар нээгдэнэ.
2. Газрын нэр, тайлбар, ангилал, сумын нэрээр хайна — аль хэл дээр бичсэн ч үр дүн олдоно.
3. Түлхүүр үгээр хайж болно: газрын нэрэнд байхгүй ч утга нь ойр үгээр олдоно. Жишээ нь шатахуун гэж бичихэд ШТС-ууд гарна.
4. Том жижиг үсэг, «ө/о», «ү/у»-ийн ялгаа, зай, зураас хамаагүй — «хутаг ондор», «Хутаг-Өндөр» хоёр ижил үр дүн өгнө.
5. Хайлтын талбарын доорх ангиллын товчнуудаас сонгож шууд шүүнэ. Үр дүнгийн дээр «24 газар олдлоо» гэх мэт тоо, карт бүр дээр үнийн шошго («Төлбөргүй», «50,000₮-өөс» г.м.) харагдана.

Шүүлтүүр

1. Баруун дээд буланд буй Шүүлтүүр товчийг дарна. Шүүлтүүр идэвхтэй үед товч дээр тоо нь харагдана (жишээ нь «Шүүлтүүр · 2»).
2. Нээгдсэн цонхны хэсгүүд:
   • «Ангилал» — ШТС, эмнэлэг, амралтын газар гэх мэт; хайлтын дээд талын ангиллын товчнуудтай ижил сонголт.
   • «Зай» — таны байршлаас 3, 5, 10 км-ийн дотор байгаа газрууд; зайг замаар явах бодит зайгаар тооцно (байршил асаалттай үед).
   • «Сум» — Булган аймгийн сумаар шүүх.
   • «Үнэ» — Бүгд / Төлбөргүй / Төлбөртэй. Үнийн хязгаар: ≤ 50,000₮, 50–100 мянга, 100–200 мянга, 200 мянгаас дээш («Төлбөргүй» сонгосон үед хязгаар харагдахгүй).
   • «Ажиллах цаг» — Бүгд / Одоо нээлттэй (яг одоо ажиллаж буй) / 24 цаг (24 цаг ажилладаг газрууд).
   • «Эрэмбэ» — Ойроос / Нэрээр / Үнэ өсөхөөр / Үнэ буурахаар. «Ойроос» нь газруудыг замаар явах бодит зайгаар эрэмбэлнэ. Зөвхөн байршил асаалттай үед сонгогдох ба асаагаагүй бол «Байршил идэвхжүүлнэ үү» гэж сануулна.
3. Хэрэглэх дарж шүүлтээ идэвхжүүлнэ; Цэвэрлэх дарж бүгдийг арилгана.
4. Идэвхтэй шүүлтүүрүүд ангиллын товчнуудын доор жижиг шошго болж харагдана (сум, үнэ, ажиллах цаг, эрэмбэ). Шошгоны ✕ дээр дарж тухайн шүүлтийг цонх нээлгүй арилгана.

1. Дуртай газар, маршрут, арга хэмжээнийхээ ♡ зүрх товчийг дарж хадгална.
2. Доод цэсний Хадгалсан таб руу орно — «Газрууд», «Маршрутууд», «Эвентүүд» гэсэн 3 хэсэгт хуваагдана.
3. Хасахдаа зүрхэн дээр дахин дарна.

1. Хадгалсан таб дахь Оффлайн горим мөрийг дарна.
2. «Аяллын мэдээлэл» (газрууд, маршрут, эвент, баннер) хэсгийн Татах товчийг дарна.
3. «Газрын зураг» хэсгийн Татах товчоор Булган аймгийн газрын зургийн багцыг татна — хэмжээ нь MB-ээр харагдана.
4. Татаж дууссаны дараа интернэтгүй үед ч газрын зураг, газруудын мэдээлэл, маршрут бүрэн ажиллана.

1. Аппыг анх нээхэд мэдэгдлийн зөвшөөрөл асуувал зөвшөөрнө.
2. Шинэ арга хэмжээ, шинэ газар, онцлох мэдээ нэмэгдэхэд push мэдэгдэл ирнэ — таны сонгосон хэлээр.
3. Ирсэн мэдэгдлүүдээ Нүүр хуудасны 🔔 хонхон дээр дарж харна; мэдэгдэл дээр дарахад холбогдох хуудас шууд нээгдэнэ.

Арга хэмжээний сануулга

Мэдэгдэл зөвшөөрсөн бүх хүнд арга хэмжээ бүрийн өмнө автомат сануулга ирнэ:

• Өмнөх өдөр 10:00 цагт — «Маргааш: арга хэмжээний нэр», «19:00 цагт эхэлнэ» гэх мэт эхлэх цагтай.
• Тухайн өдөр 08:00 цагт — «Өнөөдөр: арга хэмжээний нэр».

Харин 🔔 Сануулга товчоор өөрөө сануулга тохируулсан арга хэмжээнд (6-р хэсэг) дээрх автомат сануулга ирэхгүй — зөвхөн таны сонгосон хугацаанд ирнэ. Сануулгаа цуцалбал дараагийн автомат сануулга ирнэ:

• 1 өдрийн өмнө — «Маргааш: арга хэмжээний нэр», «19:00-д эхэлнэ» гэх мэт эхлэх цагтай.
• 3 цагийн өмнө — «3 цагийн дараа: арга хэмжээний нэр».
• 1 цагийн өмнө — «1 цагийн дараа: арга хэмжээний нэр».

• Харагдах байдал — «Системийн», «Цайвар», «Бараан» гэсэн 3 горим; сонгомогц шууд өөрчлөгдөнө.
• «Хэл» — Монгол, English, 한국어, 中文, Русский. Тус бүр нь далбаа, товчилсон код (MN, EN, KO, ZH, RU) хэлбэрээр харагдана; сонгосон даруйд апп бүхэлдээ тухайн хэл рүү шилжинэ.
• «Арга хэмжээний календарь» — арга хэмжээний жагсаалт, календарийг нээнэ (6-р хэсэг).
• «Аппликэйшний тухай», «Нууцлалын бодлого», «Үйлчилгээний нөхцөл» — мэдээллийн хуудсууд.
• «Ашиглалтын заавар» — яг энэ хуудсыг нээнэ.
• Яаралтай дуудлага — «Онцгой байдлын газар» 7034101, «Эмнэлэг» 70342757, «Цагдаа» 102. Мөрөн дээр дарахад шууд залгана.
• Хувилбар — цэсний доод хэсэгт аппын хувилбарын дугаар харагдана.